प्र ते᳚॑रद॒द्वरु᳚णो॒ यात᳚वे प॒थः सिन्धो॒ यद्वाजा{4}᳚ अ॒भ्यद्र᳚व॒स्त्वम् ।
भूम्या॒ अधि᳚ प्र॒वता᳚ यासि॒ सानु᳚ना॒ यदे᳚षा॒मग्रं॒ जग᳚तामिर॒ज्यसि᳚ ॥
भूम्या॒ अधि᳚ प्र॒वता᳚ यासि॒ सानु᳚ना॒ यदे᳚षा॒मग्रं॒ जग᳚तामिर॒ज्यसि᳚ ॥
पदपाठः (Word-by-word)
प्र । ते॒ । अ॒र॒द॒त् । वरु᳚णः । यात᳚वे । प॒थः । सिन्धो॒ इति᳚ । यत् । वाजा᳚न् । अ॒भि । अद्र᳚वः । त्वम् ।
भूम्याः᳚ । अधि᳚ । प्र॒॑वता᳚ । या॒सि॒ । सानु᳚ना । यत् । ए॒षा॒म् । अग्र᳚म् । जग᳚ताम् । इ॒र॒ज्यसि᳚ ॥
भूम्याः᳚ । अधि᳚ । प्र॒॑वता᳚ । या॒सि॒ । सानु᳚ना । यत् । ए॒षा॒म् । अग्र᳚म् । जग᳚ताम् । इ॒र॒ज्यसि᳚ ॥
सायणभाष्यम् (Sayana Commentary)
हे सिन्धो देवि ते तव यातवे गमनाय वरुणो देवः पथो मार्गान्प्रारदत्। प्राचीनं व्यलिखत्। सा हि प्राक् प्रवहति। अथवा प्रकृष्टमितरनदीभ्योऽप्यत्यन्तं विस्तृतं व्यदारयत्। यद्यस्माद्दे सिन्धो वाजानन्नान्यभिलक्ष्य त्वमभ्यद्रवः अभ्यगच्छः। किञ्च त्वं भूम्यां अध्युपरि सानुना समुच्छ्रितेन प्रवतामार्गेण यासि। गच्छसि। सिन्धुः खलु पर्वतान्विभिद्य गता। यद्येन समुच्छ्रितेन मार्गेन गच्छन्ती त्वमेषां सर्वेषां जगतां जङ्गमानां प्राणिनामग्रं प्रत्यक्षमिरज्यसि ईशिषे॥२॥