अ॒भि त्वा᳚ सिन्धो॒ शिशु॒मिन्न मा॒तरो᳚ वा॒श्रा अ᳚र्षन्ति॒ पय᳚सेव धे॒नवः᳚ ।
राजे᳚व॒ युध्वा᳚ नयसि॒ त्वमित्सिचौ॒ यदा᳚सा॒मग्रं᳚ प्र॒वता॒मिन᳚क्षसि ॥
राजे᳚व॒ युध्वा᳚ नयसि॒ त्वमित्सिचौ॒ यदा᳚सा॒मग्रं᳚ प्र॒वता॒मिन᳚क्षसि ॥
पदपाठः (Word-by-word)
अ॒भि । त्वा॒ । सिन्धो॒ इति᳚ । शिशु᳚म् । इत् । न । मा॒तरः᳚ । वा॒श्राः । अ॒र्ष॒न्ति॒ । पय᳚सा॑इव । धे॒नवः᳚ ।
राजा᳚॑इव । युध्वा᳚ । न॒य॒सि॒ । त्वम् । इत् । सिचौ᳚ । यत् । आ॒सा॒म् । अग्र᳚म् । प्र॒॑वता᳚म् । इन᳚क्षसि ॥
राजा᳚॑इव । युध्वा᳚ । न॒य॒सि॒ । त्वम् । इत् । सिचौ᳚ । यत् । आ॒सा॒म् । अग्र᳚म् । प्र॒॑वता᳚म् । इन᳚क्षसि ॥
सायणभाष्यम् (Sayana Commentary)
हे सिन्धो त्वा त्वाम् शिशुमिन्न मातरः पुत्रमिव वाश्राः शब्दयन्त्य इतरा नद्योऽभ्यर्षन्ति। अभिगच्छन्ति। पयसेव धेनवः पयसा युक्ता नवप्रसूतिका गाव इव। किञ्च युध्वा युद्धकृद्राजेव त्वमित्त्वमेव सिचौ सिच्यमानौ तटौ नयस्युदकं पूरं यद्यदासां प्रवतां त्वया सह गच्छन्तीनामग्रमग्र इनक्षसि व्याप्नोषि सर्वासां पुरतो गच्छसि॥४॥