स्वश्वा॒ सिन्धु᳚ः सु॒रथा᳚ सु॒वासा᳚ हिर॒ण्ययी॒ सुकृ᳚ता वा॒जिनी᳚वती ।
ऊर्णा᳚वती युव॒तिः सी॒लमा᳚वत्यु॒ताधि᳚ वस्ते सु॒भगा᳚ मधु॒वृध᳚म् ॥
ऊर्णा᳚वती युव॒तिः सी॒लमा᳚वत्यु॒ताधि᳚ वस्ते सु॒भगा᳚ मधु॒वृध᳚म् ॥
पदपाठः (Word-by-word)
सु॒॑अश्वा᳚ । सिन्धुः᳚ । सु॒॑रथा᳚ । सु॒॑वासाः᳚ । हि॒र॒ण्ययी᳚ । सु॑कृ᳚ता । वा॒जिनी᳚॑वती ।
ऊर्णा᳚॑वती । यु॒व॒तिः । सी॒लमा᳚॑वती । उ॒त । अधि᳚ । व॒स्ते॒ । सु॒॑भगा᳚ । म॒धु॒॑वृध᳚म् ॥
ऊर्णा᳚॑वती । यु॒व॒तिः । सी॒लमा᳚॑वती । उ॒त । अधि᳚ । व॒स्ते॒ । सु॒॑भगा᳚ । म॒धु॒॑वृध᳚म् ॥
सायणभाष्यम् (Sayana Commentary)
सेयं सिन्धुः स्वश्व्वा शोभनाश्वोपेता सुरथा शोभनरथा सुवासाः शोभनवस्त्रोपेता हिरण्ययी हिरण्मयाभारणा सुकृता वाजिनीवत्यन्नवत्यूर्णावती। तस्याः समीपदेशे हि सन्त्यूर्णा यासां रोमभिः कम्बलाः क्रियन्ते। युवतिर्नित्य तरुणी सर्वदाहीनोदका सीलमावती। सीराणि ययौषध्या रज्जुभूतया बध्यन्ते सा सीलमेति निगद्यते कृषीवल्यैः। तादृगोषध्युपेता। उतापि च सुभगा सिन्धुर्मधुवृधं मधुवर्धकं निर्गुण्ड्यादिकमधि वस्ते। आच्छादयति। तस्यास्तीरे निर्गुण्ड्यादीनि बहूनि सन्ति॥८॥