ऋजी॒त्येनी॒ रुश᳚ती महि॒त्वा परि॒ ज्रयां᳚सि भरते॒ रजां᳚सि ।
अद᳚ब्धा॒ सिन्धु᳚र॒पसा᳚म॒पस्त॒माश्वा॒ न चि॒त्रा वपु᳚षीव दर्श॒ता ॥
अद᳚ब्धा॒ सिन्धु᳚र॒पसा᳚म॒पस्त॒माश्वा॒ न चि॒त्रा वपु᳚षीव दर्श॒ता ॥
पदपाठः (Word-by-word)
ऋजी᳚ती । एनी᳚ । रुश᳚ती । म॒हि॒॑त्वा । परि᳚ । ज्रयां᳚सि । भ॒र॒ते॒ । रजां᳚सि ।
अद᳚ब्धा । सिन्धुः᳚ । अ॒पसा᳚म् । अ॒पः॑त᳚मा । अश्वा᳚ । न । चि॒त्रा । वपु᳚षी॑इव । द॒र्श॒ता ॥
अद᳚ब्धा । सिन्धुः᳚ । अ॒पसा᳚म् । अ॒पः॑त᳚मा । अश्वा᳚ । न । चि॒त्रा । वपु᳚षी॑इव । द॒र्श॒ता ॥
सायणभाष्यम् (Sayana Commentary)
ऋजीत्यृजगामिन्येनी श्वेतवर्णा रुशती दीप्यमाना सिन्धुर्ज्रयांसि वेगवन्ति रजांस्युदकानि परि भरते। प्रभरति। तादृश्यदब्धाहिंसिता सिम्धुरपसां कर्मवतीनां मध्येऽपस्तमा वेगाख्यकर्मवती भवति। अश्वा न वडवेव चित्रा चायनीया वपुषी वपुष्मती योषिदिव दर्शता दर्शनीया भवति॥७॥