प्र के॒तुना᳚ बृह॒ता या᳚त्य॒ग्निरा रोद᳚सी वृष॒भो रो᳚रवीति ।
दि॒वश्चि॒दन्ता{4}᳚ उप॒मा{4} उदा᳚नळ॒पामु॒पस्थे᳚ महि॒षो व᳚वर्ध ॥
दि॒वश्चि॒दन्ता{4}᳚ उप॒मा{4} उदा᳚नळ॒पामु॒पस्थे᳚ महि॒षो व᳚वर्ध ॥
पदपाठः (Word-by-word)
प्र । के॒तुना᳚ । बृ॒ह॒ता । या॒ति॒ । अ॒ग्निः । आ । रोद᳚सी॒ इति᳚ । वृ॒ष॒भः । रो॒र॒वी॒ति॒ ।
दि॒वः । चि॒त् । अन्ता᳚न् । उ॒प॒॑मान् । उत् । आ॒न॒ट् । अ॒पाम् । उ॒प॑स्थे᳚ । म॒हि॒षः । व॒व॒र्ध॒ ॥
दि॒वः । चि॒त् । अन्ता᳚न् । उ॒प॒॑मान् । उत् । आ॒न॒ट् । अ॒पाम् । उ॒प॑स्थे᳚ । म॒हि॒षः । व॒व॒र्ध॒ ॥
सायणभाष्यम् (Sayana Commentary)
अग्निं बृहता महता केतुना प्रज्ञानेन युक्तः सन् आ इदानीं रोदसी द्यावापृथिव्यौ प्र- याति प्रकर्षेण गच्छति । किंच देवानामाह्वानकाले वृषभइव रोरवीति अत्यर्थं शब्दं करोति दिवश्चित् द्युलोकस्यापि अन्तानवसानान् उपमान् समीपांश्च प्रदेशान् ज्वलना- त्मनादित्यात्मना वा स्थितः उदानट् ऊर्ध्वं व्याप्नोति अपां वृष्टिलक्षणानामुदकानामुपस्थे उपस्थानेन्तरिक्षे वैद्युतात्मना महिषो महान् ववर्ध वर्धते ॥ १ ॥