मु॒मोद॒ गर्भो᳚ वृष॒भः क॒कुद्मा᳚नस्रे॒मा व॒त्सः शिमी᳚वा{4} अरावीत् ।
स दे॒वता॒त्युद्य᳚तानि कृ॒ण्वन्त्स्वेषु॒ क्षये᳚षु प्रथ॒मो जि᳚गाति ॥
स दे॒वता॒त्युद्य᳚तानि कृ॒ण्वन्त्स्वेषु॒ क्षये᳚षु प्रथ॒मो जि᳚गाति ॥
पदपाठः (Word-by-word)
मु॒मोद᳚ । गर्भः᳚ । वृ॒ष॒भः । क॒कुत्॑मा᳚न् । अ॒स्रे॒मा । व॒त्सः । शिमी᳚॑वान् । अ॒रा॒वी॒त् ।
सः । दे॒व॑ता᳚ति । उत्॑य᳚तानि । कृ॒ण्वन् । स्वेषु᳚ । क्षये᳚षु । प्र॒थ॒मः । जि॒गा॒ति॒ ॥
सः । दे॒व॑ता᳚ति । उत्॑य᳚तानि । कृ॒ण्वन् । स्वेषु᳚ । क्षये᳚षु । प्र॒थ॒मः । जि॒गा॒ति॒ ॥
सायणभाष्यम् (Sayana Commentary)
गर्भः द्यावापृथिव्योरन्तर्गतः वृषभः कामानां वर्षिताग्निः ककुद्मान् उन्नततेजस्कः मुमोद मोदते । किंच अस्रेमा प्रशस्यनामैतत् प्रशस्तः वत्सः नक्तोषसोर्वत्सभूतः सायं- प्रातराहुत्युपजीवनात् शिमीवान् हविर्वहनदेवाह्वानादिकर्मवान् अग्निः अरावीत् देवा- ह्वानादिशब्दं करोति सोग्निः देवताति यज्ञे उद्यतानि उद्यमान्युत्साहानि कर्माणि कृण्वन् स्वेषु क्षयेषु आत्मीयेष्वाहवनीयादिस्थानेषु स्थितः प्रथमोदेवानां स्थानेषु मुख्यः जिगाति गच्छति ॥ २ ॥