अ॒ग्नेरप्न᳚सः स॒मिद᳚स्तु भ॒द्राग्निर्म॒ही रोद᳚सी॒ आ वि᳚वेश ।
अ॒ग्निरेकं᳚ चोदयत्स॒मत्स्व॒ग्निर्वृ॒त्राणि᳚ दयते पु॒रूणि᳚ ॥
अ॒ग्निरेकं᳚ चोदयत्स॒मत्स्व॒ग्निर्वृ॒त्राणि᳚ दयते पु॒रूणि᳚ ॥
पदपाठः (Word-by-word)
अ॒ग्नेः । अप्न᳚सः । स॒म्॑इत् । अ॒स्तु॒ । भ॒द्रा । अ॒ग्निः । म॒ही इति᳚ । रोद᳚सी॒ इति᳚ । आ । वि॒वे॒श॒ ।
अ॒ग्निः । एक᳚म् । चो॒द॒य॒त् । स॒मत्॑सु᳚ । अ॒ग्निः । वृ॒त्राणि᳚ । द॒य॒ते॒ । पु॒रूणि᳚ ॥
अ॒ग्निः । एक᳚म् । चो॒द॒य॒त् । स॒मत्॑सु᳚ । अ॒ग्निः । वृ॒त्राणि᳚ । द॒य॒ते॒ । पु॒रूणि᳚ ॥
सायणभाष्यम् (Sayana Commentary)
अप्नसः कर्मवतोऽग्नेः समिद्भद्रास्तु। अयमग्निर्मही महतौ रोदसी द्यावापृथिव्यावा विवेश। आविष्टवान्स्वतेजसा। तथायमग्निरेकमसहायमेव चोदयत् चोदयति प्रेरयति समत्सु सङ्ग्रामेषु। युद्धे स्वभक्तम् स्वयं सहायः सञ्जयिनं करोतीत्यर्थः। तथाग्निर्वृत्राणि पूरूणि बहूञ्शत्रून्वयते। हन्ति॥२॥