अ॒ग्निर्ह॒ त्यं जर᳚त॒ः कर्ण᳚मावा॒ग्निर॒द्भ्यो निर᳚दह॒ज्जरू᳚थम् ।
अ॒ग्निरत्रिं᳚ घ॒र्म उ᳚रुष्यद॒न्तर॒ग्निर्नृ॒मेधं᳚ प्र॒जया᳚सृज॒त्सम् ॥
अ॒ग्निरत्रिं᳚ घ॒र्म उ᳚रुष्यद॒न्तर॒ग्निर्नृ॒मेधं᳚ प्र॒जया᳚सृज॒त्सम् ॥
पदपाठः (Word-by-word)
अ॒ग्निः । ह॒ । त्यम् । जर᳚तः । कर्ण᳚म् । आ॒व॒ । अ॒ग्निः । अ॒त्॑भ्यः । निः । अ॒द॒ह॒त् । जरू᳚थम् ।
अ॒ग्निः । अत्रि᳚म् । घ॒र्मे । उ॒रु॒ष्य॒त् । अ॒न्तः । अ॒ग्निः । नृ॒॑मेध᳚म् । प्र॒॑जया᳚ । अ॒सृ॒ज॒त् । सम् ॥
अ॒ग्निः । अत्रि᳚म् । घ॒र्मे । उ॒रु॒ष्य॒त् । अ॒न्तः । अ॒ग्निः । नृ॒॑मेध᳚म् । प्र॒॑जया᳚ । अ॒सृ॒ज॒त् । सम् ॥
सायणभाष्यम् (Sayana Commentary)
अग्निर्हायमग्निः खलु त्यं तं प्रसिद्धम् जरतः कर्णं जरत्कर्णनामानमृषिमाव। ररक् तथायमग्निरद्भ्यो जरूथमेतन्नामानमसुरं निरदहत्। निर्दग्धवान्। तथाग्निरत्रिं महर्षिं घर्मेऽन्तरृबीसेऽवस्थितमुरुष्यत्। ररक्ष। तथायमग्निर्नृमेधमेतन्नामकमृषिं प्रजया पुत्रादिलक्षणया समसृजत्। संयुयोज॥३॥