अस्य यज्ञरूपस्य परमात्मनोऽन्ये चतुर्दश चतुर्दशसङ्ख्याका महिमानो विभूतयो भवन्ति। तं यज्ञम् सप्त सप्तसङ्ख्याका धीरा धीमन्तो होत्रादयो वाचा शस्त्ररूपया प्रणयन्ति। प्रकर्षेण नयन्ति। आप्नानम् । अप्लृ व्याप्तौ। ताच्छीलिके चानशि व्यत्ययेन विकरणस्य व्यत्ययः। व्यापनशीलं तीर्थं पापोत्ताय समर्थं चात्वोलोत्करमध्यदेशमिहास्मिन्यज्ञे कः प्रवोचत्। को वक्ति। न कोऽपीत्यर्थः। येन पथा येन यज्ञमार्गेण सुतस्याभिषुतं सोमं प्रपिबन्ते देवा अतिशयेन पिबन्ति। पा पाने। पाघ्रेत्यादिना पिबादेशः। व्यत्ययेनात्मनेपदम्। उपसर्गेण समासः। यद्योगादनिघाते तिङि चोदात्तवतिति गतेर्निघातः॥७॥