त्वष्टा᳚ दुहि॒त्रे व᳚ह॒तुं कृ᳚णो॒तीती॒दं विश्वं॒ भुव᳚नं॒ समे᳚ति ।
य॒मस्य᳚ मा॒ता प᳚र्यु॒ह्यमा᳚ना म॒हो जा॒या विव᳚स्वतो ननाश ॥
य॒मस्य᳚ मा॒ता प᳚र्यु॒ह्यमा᳚ना म॒हो जा॒या विव᳚स्वतो ननाश ॥
पदपाठः (Word-by-word)
त्वष्टा᳚ । दु॒हि॒त्रे । व॒ह॒तुम् । कृ॒णो॒ति॒ । इति᳚ । इ॒दम् । विश्व᳚म् । भुव᳚नम् । सम् । ए॒ति॒ ।
य॒मस्य᳚ । मा॒ता । प॒रि॒॑उ॒ह्यमा᳚ना । म॒हः । जा॒या । विव᳚स्वतः । न॒ना॒श॒ ॥
य॒मस्य᳚ । मा॒ता । प॒रि॒॑उ॒ह्यमा᳚ना । म॒हः । जा॒या । विव᳚स्वतः । न॒ना॒श॒ ॥
सायणभाष्यम् (Sayana Commentary)
त्वष्टा एतन्नामकोदेवः दुहित्रे षष्ठ्यर्थे चतुर्थी दुहितुः सरण्यूनामिकायाः वहतुं वहनं विवाहं एधिवह्योश्चतुरिति वहेश्चतुप्रत्ययः तं कृणोति करोतीति एतेन हेतुना इदं विश्वं सर्वं भुवनं भूतजातं समेति तं विवाहं समागमत् पर्युह्यमाना विवस्वता उद्वोढव्या यमस्य यम्याश्च माता महोमहतः विवस्वतोजाया भार्या सरण्यूः ननाश उत्तरान् कुरून् प्रतिन- ष्टा अगच्छदित्यर्थः ॥ १ ॥