सर᳚स्वति॒ या स॒रथं᳚ य॒याथ᳚ स्व॒धाभि᳚र्देवि पि॒तृभि॒र्मद᳚न्ती ।
आ॒सद्या॒स्मिन्ब॒र्हिषि᳚ मादयस्वानमी॒वा इष॒ आ धे᳚ह्य॒स्मे ॥
आ॒सद्या॒स्मिन्ब॒र्हिषि᳚ मादयस्वानमी॒वा इष॒ आ धे᳚ह्य॒स्मे ॥
पदपाठः (Word-by-word)
सर᳚स्वति । या । स॒॑रथ᳚म् । य॒याथ᳚ । स्व॒धाभिः᳚ । दे॒वि॒ । पि॒तृ॑भिः᳚ । मद᳚न्ती ।
आ॒॑सद्य᳚ । अ॒स्मिन् । ब॒र्हिषि᳚ । मा॒द॒य॒स्व॒ । अ॒न॒मी॒वाः । इषः᳚ । आ । धे॒हि॒ । अ॒स्मे इति᳚ ॥
आ॒॑सद्य᳚ । अ॒स्मिन् । ब॒र्हिषि᳚ । मा॒द॒य॒स्व॒ । अ॒न॒मी॒वाः । इषः᳚ । आ । धे॒हि॒ । अ॒स्मे इति᳚ ॥
सायणभाष्यम् (Sayana Commentary)
हे सरस्वति हे देवि या त्वं सरथं पितृभिः सह समानेन रथेनयुक्तं यथा भवति तथा ययाथ अस्मदीयं यज्ञं प्राप्तासि । किंकुर्वती पितृभिः सह स्वधाभिर्हविर्लक्षणैरन्नैः मदन्तीमाद्यन्ती यज्ञं गच्छसीति संबन्धः । सा त्वं बर्हिषि अस्मिन् वेदिस्तरणे यज्ञे आसद्य उपविश्य मादयस्व हविर्भिस्तृप्ता भव आत्मानं तर्पय वा । ततस्तृप्ता सती त्वं अनमीवाः अमीवा रोगः तद्वर्जितानि आरोग्यजननानि इषोन्नानि अस्मे अस्मभ्य्माधेहि पर्याप्तं प्रयच्छ ॥ ८ ॥