अस्ता᳚व्य॒ग्निर्न॒रां सु॒शेवो᳚ वैश्वान॒र ऋषि᳚भि॒ः सोम᳚गोपाः ।
अ॒द्वे॒षे द्यावा᳚पृथि॒वी हु᳚वेम॒ देवा᳚ ध॒त्त र॒यिम॒स्मे सु॒वीर᳚म् ॥
अ॒द्वे॒षे द्यावा᳚पृथि॒वी हु᳚वेम॒ देवा᳚ ध॒त्त र॒यिम॒स्मे सु॒वीर᳚म् ॥
पदपाठः (Word-by-word)
अस्ता᳚वि । अ॒ग्निः । न॒राम् । सु॒॑शेवः᳚ । वै॒श्वा॒न॒रः । ऋषि᳚॑भिः । सोम᳚॑गोपाः ।
अ॒द्वे॒षे इति᳚ । द्यावा᳚पृथि॒वी इति᳚ । हु॒वे॒म॒ । देवाः᳚ । ध॒त्त । र॒यिम् । अ॒स्मे इति᳚ । सु॒॑वीर᳚म् ॥
अ॒द्वे॒षे इति᳚ । द्यावा᳚पृथि॒वी इति᳚ । हु॒वे॒म॒ । देवाः᳚ । ध॒त्त । र॒यिम् । अ॒स्मे इति᳚ । सु॒॑वीर᳚म् ॥
सायणभाष्यम् (Sayana Commentary)
नरां कर्मनेतॄणां पुंसां सुशेवः सुखसेव्योवैश्वानरोग्निः ऋषिभिः मंत्रैः अस्तावि स्तुतः । कीदृशः सोमगोपाः सोमस्य गोप्ता रक्षिता अद्वेषे द्यावापृथिवी द्यावापृथिव्यौ हुवेम वयं ह्वयेम । किंच हे देवाः यूयं सुवीरं शोभनपुत्राद्युपेतं रयिं धनमस्मे अस्मासु धत्त धार- यत ॥ १२ ॥
वेदार्थस्यप्रकाशेन तमोहार्दंनिवारयन् । पुमर्थांश्चतुरोदेया द्विद्यातीर्थमहेश्वरः ॥ १ ॥
इतिश्रीमद्राजाधिराजपरमेश्वरवैदिकमार्गप्रवर्तकश्रीवीरबुक्कभूपालसाम्राज्यधुरंधरेण साय- णाचार्येण विरचिते माधवीये वेदार्थप्रकाशे ऋक् संहिताभाष्ये सप्तमाष्टके अष्टमोध्यायः ॥ ८ ॥
॥ सप्तमाष्टकः समाप्तः ॥ ७ ॥