उ॒शिक्पा᳚व॒को अ᳚र॒तिः सु᳚मे॒धा मर्ते᳚ष्व॒ग्निर॒मृतो॒ नि धा᳚यि ।
इय᳚र्ति धू॒मम᳚रु॒षं भरि᳚भ्र॒दुच्छु॒क्रेण᳚ शो॒चिषा॒ द्यामिन᳚क्षन् ॥
इय᳚र्ति धू॒मम᳚रु॒षं भरि᳚भ्र॒दुच्छु॒क्रेण᳚ शो॒चिषा॒ द्यामिन᳚क्षन् ॥
पदपाठः (Word-by-word)
उ॒शिक् । पा॒व॒कः । अ॒र॒तिः । सु॒॑मे॒धाः । मर्ते᳚षु । अ॒ग्निः । अ॒मृतः᳚ । नि । धा॒यि॒ ।
इय᳚र्ति । धू॒मम् । अ॒रु॒षम् । भरि᳚भ्रत् । उत् । शु॒क्रेण᳚ । शो॒चिषा᳚ । द्याम् । इन᳚क्षन् ॥
इय᳚र्ति । धू॒मम् । अ॒रु॒षम् । भरि᳚भ्रत् । उत् । शु॒क्रेण᳚ । शो॒चिषा᳚ । द्याम् । इन᳚क्षन् ॥
सायणभाष्यम् (Sayana Commentary)
उशिक् हवींषि कामयमानः पावकः सर्वस्य लोकस्य शोधकः अरतिः गंता भूतानां मारयिता वा सुमेधाः सुप्रज्ञः अमृतोमरणधर्मरहितोग्निः मर्तेषु मनुष्येषु निधायि निहितः सोयमग्निर्धूममियर्ति प्रेरयति । किञ्च अरुषमारोचमानं रूपं भरिभ्रत् धारयन् शुक्रेण शु- क्लेन शोचिषा रोचिषा द्यां दिवं उत् इनक्षन् व्याप्नुवन् गच्छतीति शेषः ॥ ७ ॥