समि᳚न्द्रेरय॒ गाम᳚न॒ड्वाहं॒ य आव᳚हदुशी॒नरा᳚ण्या॒ अनः᳚ ।
भर᳚ता॒मप॒ यद्रपो॒ द्यौः पृ᳚थिवि क्ष॒मा रपो॒ मो षु ते॒ किं च॒नाम᳚मत् ॥
भर᳚ता॒मप॒ यद्रपो॒ द्यौः पृ᳚थिवि क्ष॒मा रपो॒ मो षु ते॒ किं च॒नाम᳚मत् ॥
पदपाठः (Word-by-word)
सम् । इ॒न्द्र॒ । ई॒र॒य॒ । गाम् । अ॒न॒ड्वाह᳚म् । यः । आ । अव᳚हत् । उ॒शी॒नरा᳚ण्याः । अनः᳚ ।
भर᳚ताम् । अप᳚ । यत् । रपः᳚ । द्यौः । पृ॒थि॒वि॒ । क्ष॒मा । रपः᳚ । मो इति᳚ । सु । ते॒ । किम् । च॒न । आ॒म॒म॒त् ॥
भर᳚ताम् । अप᳚ । यत् । रपः᳚ । द्यौः । पृ॒थि॒वि॒ । क्ष॒मा । रपः᳚ । मो इति᳚ । सु । ते॒ । किम् । च॒न । आ॒म॒म॒त् ॥
सायणभाष्यम् (Sayana Commentary)
हे इन्द्र समीरय प्रेरय। किं गां गन्तारमनड्वहमनोवहनसमर्थम् । योऽनड्वानावहत् आवहत्यस्मान्प्रति। किम् । अनः शकटम् । कस्य । उशीनराण्या एतन्नामिकाया ओषधेः। ययार्तमनुलिम्पन्ति सोशीनराणी। भरतामित्यादि गतम्॥१०॥