साम॒न्नु रा॒ये नि᳚धि॒मन्न्वन्नं॒ करा᳚महे॒ सु पु᳚रु॒ध श्रवां᳚सि ।
ता नो॒ विश्वा᳚नि जरि॒ता म᳚मत्तु परात॒रं सु निरृ᳚तिर्जिहीताम् ॥
ता नो॒ विश्वा᳚नि जरि॒ता म᳚मत्तु परात॒रं सु निरृ᳚तिर्जिहीताम् ॥
पदपाठः (Word-by-word)
साम᳚न् । नु । रा॒ये । नि॒धि॒॑मत् । नु । अन्न᳚म् । करा᳚महे । सु । पु॒रु॒ध । श्रवां᳚सि ।
ता । नः॒ । विश्वा᳚नि । ज॒रि॒ता । म॒म॒त्तु॒ । प॒रा॒॑त॒रम् । सु । निः॑ऋ᳚तिः । जि॒ही॒ता॒म् ॥
ता । नः॒ । विश्वा᳚नि । ज॒रि॒ता । म॒म॒त्तु॒ । प॒रा॒॑त॒रम् । सु । निः॑ऋ᳚तिः । जि॒ही॒ता॒म् ॥
सायणभाष्यम् (Sayana Commentary)
सामन्नु सामिन् गीयमाने सति। नु चार्थे। राये जीवायूरूपधनार्थं निधिमन्निधानवदन्नं हविष्च करामहे। कुर्मः। अत्र न्विति चार्थे। निरृत्यै स्तुतिं हविश्चोभयं कुर्म इत्यर्थः। तदेवाह। सु सुष्ठु पुरुध पुरुधा बहुप्रकारं श्रवांस्यन्नानि हवींषि करामहे। ता तानि हवींषि नोऽस्माकं सम्बन्धीनि विश्वानि सर्वाणि जरिता जीर्णा स्तुता वा। जरा स्तुतिः। नि. १०-८। ममत्तु। स्वदताम् । आस्वाद्य च निरृतिः परापतरमत्यन्तं दूरदेशं जिहीताम् । गच्छताम्॥२॥