प्र ये दि॒वः पृ᳚थि॒व्या न ब॒र्हणा॒ त्मना᳚ रिरि॒च्रे अ॒भ्रान्न सूर्य᳚ः ।
पाज᳚स्वन्तो॒ न वी॒राः प᳚न॒स्यवो᳚ रि॒शाद᳚सो॒ न मर्या᳚ अ॒भिद्य᳚वः ॥
पाज᳚स्वन्तो॒ न वी॒राः प᳚न॒स्यवो᳚ रि॒शाद᳚सो॒ न मर्या᳚ अ॒भिद्य᳚वः ॥
पदपाठः (Word-by-word)
प्र । ये । दि॒वः । पृ॒थि॒व्याः । न । ब॒र्हणा᳚ । त्मना᳚ । रि॒रि॒च्रे । अ॒भ्रात् । न । सूर्यः᳚ ।
पाज᳚स्वन्तः । न । वी॒राः । प॒न॒स्यवः᳚ । रि॒शाद᳚सः । न । मर्याः᳚ । अ॒भि॑द्य᳚वः ॥
पाज᳚स्वन्तः । न । वी॒राः । प॒न॒स्यवः᳚ । रि॒शाद᳚सः । न । मर्याः᳚ । अ॒भि॑द्य᳚वः ॥
सायणभाष्यम् (Sayana Commentary)
ये मरुतो दिवः पृथिव्या न पृथिव्याश्च। नेति चार्थे। बर्हना महत्त्वेन त्मनात्मनैव रिरिच्रे अतिरिक्ता अभवन्स्वशरीरेण अभ्रान्नाभ्रादिव सूर्यः। किञ्च पाजस्वन्तो न वीरा बलवन्तो वीरा इव पनस्यवः स्तुतिकामा भवन्ति। किञ्च रिशादसो न मर्या रिशतामसितारो मनुष्या इवाभिद्यवोऽभिगतदीप्तयो भवन्ति॥३॥