हे मरुतः युष्माकं बुध्ने परस्परसङ्घातेऽपां न यामनि प्रवृद्धानामुदकानां गमन इव मही महती भुर्न मिथुर्यति। न व्यथते। नापि श्रथर्यति। न विशिर्णा भवति। शीर्घ्रगतयोऽपि यूयमेनां न पीडयध्वमित्यर्थः। विश्वप्सुर्विश्वरूपोऽयं यज्ञो यागसाधनं हविर्वो युश्माकमर्वागभिमुखं सु सुष्थु गच्छति। प्रयस्वन्तो नान्नवन्तः परिष्कर्तार इव सुखप्रदाः सन्तः सत्राचः सहाञ्चना आ गत। आगच्छत। सङ्घाकारेणागच्छतेत्यर्थः। सप्तगणा वै मरुतः। तै. सं. २-२-५-७। इति श्रुतेः॥४॥