अ॒ग्निरि᳚व मन्यो त्विषि॒तः स᳚हस्व सेना॒नीर्न᳚ः सहुरे हू॒त ए᳚धि ।
ह॒त्वाय॒ शत्रू॒न्वि भ᳚जस्व॒ वेद॒ ओजो॒ मिमा᳚नो॒ वि मृधो᳚ नुदस्व ॥
ह॒त्वाय॒ शत्रू॒न्वि भ᳚जस्व॒ वेद॒ ओजो॒ मिमा᳚नो॒ वि मृधो᳚ नुदस्व ॥
पदपाठः (Word-by-word)
अ॒ग्निः॑इ᳚व । म॒न्यो॒ इति᳚ । त्वि॒षि॒तः । स॒ह॒स्व॒ । से॒ना॒॑नीः । नः॒ । स॒हु॒रे॒ । हू॒तः । ए॒धि॒ ।
ह॒त्वाय᳚ । शत्रू᳚न् । वि । भ॒ज॒स्व॒ । वेदः᳚ । ओजः᳚ । मिमा᳚नः । वि । मृधः᳚ । नु॒द॒स्व॒ ॥
ह॒त्वाय᳚ । शत्रू᳚न् । वि । भ॒ज॒स्व॒ । वेदः᳚ । ओजः᳚ । मिमा᳚नः । वि । मृधः᳚ । नु॒द॒स्व॒ ॥
सायणभाष्यम् (Sayana Commentary)
हे मन्यो अग्निरिव त्विषितो ज्वलितः सहस्व। अभिभव शत्रून्। हे सहुरे सहनशील सेनानीरेधि भव नोऽस्माकं सङ्ग्रामे हूतः सन्। किञ्च हत्वाय हत्वा शत्रून्वि भजस्व प्रयच्छास्माकं वेदो धनं शत्रुसम्बन्धि। किञ्चौजो मिमानोऽस्माकं बलं कुर्वन्मृधः शत्रूण्वि नुदस्व। घातयेत्यर्थः॥२॥