आभू᳚त्या सह॒जा व᳚ज्र सायक॒ सहो᳚ बिभर्ष्यभिभूत॒ उत्त᳚रम् ।
क्रत्वा᳚ नो मन्यो स॒ह मे॒द्ये᳚धि महाध॒नस्य᳚ पुरुहूत सं॒सृजि᳚ ॥
क्रत्वा᳚ नो मन्यो स॒ह मे॒द्ये᳚धि महाध॒नस्य᳚ पुरुहूत सं॒सृजि᳚ ॥
पदपाठः (Word-by-word)
आ॑भू᳚त्या । स॒ह॒॑जाः । व॒ज्र॒ । सा॒य॒क॒ । सहः᳚ । बि॒भ॒र्षि॒ । अ॒भि॒॑भू॒ते॒ । उत्॑त᳚रम् ।
क्रत्वा᳚ । नः॒ । म॒न्यो॒ इति᳚ । स॒ह । मे॒दी । ए॒धि॒ । म॒हा॒॑ध॒नस्य᳚ । पु॒रु॒॑हू॒त॒ । स॒म्॑सृजि᳚ ॥
क्रत्वा᳚ । नः॒ । म॒न्यो॒ इति᳚ । स॒ह । मे॒दी । ए॒धि॒ । म॒हा॒॑ध॒नस्य᳚ । पु॒रु॒॑हू॒त॒ । स॒म्॑सृजि᳚ ॥
सायणभाष्यम् (Sayana Commentary)
हे वज्र वज्रवत्सारभूत सायक शत्रूणामन्तकराभिभूते शत्रूणामभिभावुक मन्यो आभूत्या। आभूतिरभिभवः। तेन सहजाः सहैवोत्पन्नस्त्वमुत्तरमुत्कृष्टतरम् सहो बलं बिभर्षि। धारयसि। हे मन्यो क्रत्वा कर्मणा सह नोऽस्माकं मेद्येधि। स्निग्धो भव। कुत्रेति तदुच्यते। महाधनस्य। सङ्ग्रामनामैतत्। सङ्ग्रामस्य संसृजि सर्गे। हे पुरुहूत बहुभिराहूतेति मन्युसम्बोधनम्॥६॥