स हि द्यु॒ता वि॒द्युता॒ वेति॒ साम᳚ पृ॒थुं योनि᳚मसुर॒त्वा स᳚साद ।
स सनी᳚ळेभिः प्रसहा॒नो अ᳚स्य॒ भ्रातु॒र्न ऋ॒ते स॒प्तथ᳚स्य मा॒याः ॥
स सनी᳚ळेभिः प्रसहा॒नो अ᳚स्य॒ भ्रातु॒र्न ऋ॒ते स॒प्तथ᳚स्य मा॒याः ॥
पदपाठः (Word-by-word)
सः । हि । द्यु॒ता । वि॒॑द्युता᳚ । वेति᳚ । साम᳚ । पृ॒थुम् । योनि᳚म् । अ॒सु॒र॒॑त्वा । आ । स॒सा॒द॒ ।
सः । स॑नी᳚ळेभिः । प्र॒॑स॒हा॒नः । अ॒स्य॒ । भ्रातुः᳚ । न । ऋ॒ते । स॒प्तथ᳚स्य । मा॒याः ॥
सः । स॑नी᳚ळेभिः । प्र॒॑स॒हा॒नः । अ॒स्य॒ । भ्रातुः᳚ । न । ऋ॒ते । स॒प्तथ᳚स्य । मा॒याः ॥
सायणभाष्यम् (Sayana Commentary)
स हि स खल्विन्द्रो द्युता द्योतमानेन विद्युतैतन्नामकेनायुधेन युक्तः सन् साम सूत्रात्मकं यज्ञसम्बन्धि वेति। गच्छति। तथासुरत्वासुरत्वेन बलेन युक्तः सन् पृथुं विस्तीर्णं योनिं फलस्योत्पादकं यज्ञं ससाद। सङ्गतो भवति। स इन्द्रः सनीळेभिः॥ नीडं विमानम्। सविमानैर्मरुद्भिर्युक्तः प्रसहानोऽभि भवन्भवति। तस्य सप्तथस्यादित्यानां धात्रादीनां मध्ये सप्तमस्येन्द्रस्य भ्रातुर्भागैर्भक्तव्यस्य मायासुर्यते यज्ञे न सम्भवतीति शेषः॥२॥