नोऽस्माकमुत्तमं शिरोगतं पाशमुन्मुमुग्धि । उत्कृष्य मोचय । मध्यममुदरगतं पाशं विचृत । वियुज्य नाशय । जीवसे जेवितुमधमानि मदीयान्पादगतान्पाशानव चृत । अवकृष्य नाशय ॥ उत्तमम् । उंछादिषु पाठादंतोदात्तत्वम् । मुमुग्धि । मुच्लृ मोक्षणे । बहुलं छंदसीति विकरणस्य श्लुः । द्विर्भावः । हलादिशेषः । हुझल्भ्यो हेर्धिः (पा ६-४-१०१) इति हेर्धिरादेशः । तिङ्ङतिङ इति निघातः । चृत चृती हिंसाग्रंथनयोः । लोटो हि । तुदादिभ्यः शः । अतो हेरिति हेर्लुक् । जीवसे । जीव प्राणधारणे । तुमर्थे सेसेनित्यसेप्रत्ययः । प्रत्ययस्वरः ॥ १९ ॥ २१ ॥