भरा᳚य॒ सु भ᳚रत भा॒गमृ॒त्वियं॒ प्र वा॒यवे᳚ शुचि॒पे क्र॒न्ददि᳚ष्टये ।
गौ॒रस्य॒ यः पय᳚सः पी॒तिमा᳚न॒श आ स॒र्वता᳚ति॒मदि᳚तिं वृणीमहे ॥
गौ॒रस्य॒ यः पय᳚सः पी॒तिमा᳚न॒श आ स॒र्वता᳚ति॒मदि᳚तिं वृणीमहे ॥
पदपाठः (Word-by-word)
भरा᳚य । सु । भ॒र॒त॒ । भा॒गम् । ऋ॒त्विय᳚म् । प्र । वा॒यवे᳚ । शु॒चि॒॑पे । क्र॒न्दत्॑इ᳚ष्टये ।
गौ॒रस्य᳚ । यः । पय᳚सः । पी॒तिम् । आ॒न॒शे । आ । स॒र्व॑ता᳚तिम् । अदि᳚तिम् । वृ॒णी॒म॒हे॒ ॥
गौ॒रस्य᳚ । यः । पय᳚सः । पी॒तिम् । आ॒न॒शे । आ । स॒र्व॑ता᳚तिम् । अदि᳚तिम् । वृ॒णी॒म॒हे॒ ॥
सायणभाष्यम् (Sayana Commentary)
भराय सङ्ग्रामकारिणे सर्वेशां पोशकाय वेन्द्रायर्त्वियं काले जातं प्राप्तकालं भागं सु भर सुष्ठु सम्पादयत हे ऋत्विजः। तथा शुचिपे शुद्धस्य सोमस्य पात्रे क्रन्ददिष्टये शब्दितगमनाय । वायोः शीघ्रगमने हि शब्दः प्रत्यक्षः। तादृशाय वायवे देवाय प्र भरत भागमिति शेशः। यो देवो गौरस्य गौरवर्णस्य पशो पयसः पीतिं पानमानशे प्राप्नोति तस्मै वायवे। शिष्टमुक्तम्॥२॥