ऊ॒र्ध्वो ग्रावा᳚ वसवो॑स्तु सो॒तरि॒ विश्वा॒ द्वेषां᳚सि सनु॒तर्यु᳚योत ।
स नो᳚ दे॒वः स᳚वि॒ता पा॒युरीड्य॒ आ स॒र्वता᳚ति॒मदि᳚तिं वृणीमहे ॥
स नो᳚ दे॒वः स᳚वि॒ता पा॒युरीड्य॒ आ स॒र्वता᳚ति॒मदि᳚तिं वृणीमहे ॥
पदपाठः (Word-by-word)
ऊ॒र्ध्वः । ग्रावा᳚ । व॒स॒वः॒ । अ॒स्तु॒ । सो॒तरि᳚ । विश्वा᳚ । द्वेषां᳚सि । स॒नु॒तः । यु॒यो॒त॒ ।
सः । नः॒ । दे॒वः । स॒वि॒ता । पा॒युः । ईड्यः᳚ । आ । स॒र्व॑ता᳚तिम् । अदि᳚तिम् । वृ॒णी॒म॒हे॒ ॥
सः । नः॒ । दे॒वः । स॒वि॒ता । पा॒युः । ईड्यः᳚ । आ । स॒र्व॑ता᳚तिम् । अदि᳚तिम् । वृ॒णी॒म॒हे॒ ॥
सायणभाष्यम् (Sayana Commentary)
हे वसवो देवाह् सोतरि सोमाभिषवकर्तरि मयि ग्रावोर्ध्वौन्नतोऽस्तु तेनोच्छ्रितेन विश्वा द्वेषांसि सर्वानपि द्वेष्टॄन्सनुतर्निगूधान्युयोत। पृथक्कुरुत। स सविता देवो नोऽस्माकं पायुः पालयिता। क्रुवापाजीत्यादिनोण्। प्रत्ययस्वरः। स ईड्यः स्तोतव्यश्च॥९॥