इन्द्रो᳚ अ॒स्मे सु॒मना᳚ अस्तु वि॒श्वहा॒ राजा॒ सोमः᳚ सुवि॒तस्याध्ये᳚तु नः ।
यथा᳚यथा मि॒त्रधि᳚तानि संद॒धुरा स॒र्वता᳚ति॒मदि᳚तिं वृणीमहे ॥
यथा᳚यथा मि॒त्रधि᳚तानि संद॒धुरा स॒र्वता᳚ति॒मदि᳚तिं वृणीमहे ॥
पदपाठः (Word-by-word)
इन्द्रः᳚ । अ॒स्मे इति᳚ । सु॒॑मनाः᳚ । अ॒स्तु॒ । वि॒श्वहा᳚ । राजा᳚ । सोमः᳚ । सु॒वि॒तस्य᳚ । अधि᳚ । ए॒तु॒ । नः॒ ।
यथा᳚॑यथा । मि॒त्र॑धि᳚तानि । स॒म्॑द॒धुः । आ । स॒र्व॑ता᳚तिम् । अदि᳚तिम् । वृ॒णी॒म॒हे॒ ॥
यथा᳚॑यथा । मि॒त्र॑धि᳚तानि । स॒म्॑द॒धुः । आ । स॒र्व॑ता᳚तिम् । अदि᳚तिम् । वृ॒णी॒म॒हे॒ ॥
सायणभाष्यम् (Sayana Commentary)
इन्द्रो देवोऽस्मे अस्माकं सुमनाः सुमनस्कोऽनुग्रहचेता अस्तु। भवतु। विश्वहा सर्वेश्वप्यहःसु। राजा सोमश्च नोऽस्माकं सुवितस्य सुवितं स्तोत्रमभ्येतु अधिगच्छतु। यथा यथा येन येन प्रकारेणास्माकं मित्रधितानि मित्रनिहितानि धनानि सन्दधुः तथाधिगच्छतु सोमः। तथेन्द्रोऽपि सुमना अस्त्विति समन्वयः॥४॥