द्वितीये पर्याये ब्राह्मणाच्छंसिनः प्रोग्रामित्येषा याज्या। सूत्रितं च। अश्वावति पथमः प्रग्राम् पीतिं वृष्ण इयर्मि सत्यामिति याज्या। आ. ६-४। इति॥

हे हर्यश्वेन्द्र वृष्णे वर्षकाय तुभ्यमुग्रामुद्गुर्णं सत्यां पीतिं सोमपानम् प्रेयर्मि। प्रेरयामि। किमर्थम्। प्रयै प्रगमनाय। कस्य पितिम् । सुतस्याभिषुतस्य। अतो हे इन्द्र शच्या शक्त्या कर्मना वा युक्तो गृणानः स्तूयमानस्त्वं विश्वाभिः सर्वाभिर्धेनाभिः स्तुतिवाग्भिर्विश्वाभिर्धीभिः सर्वैः कर्मभिश्चेहास्मिन्यागे मादयस्व। तृप्यत। मद तृप्तियोगे। आत्मनेपदम्॥३॥