एक᳚पा॒द्भूयो᳚ द्वि॒पदो॒ वि च᳚क्रमे द्वि॒पात्त्रि॒पाद᳚म॒भ्ये᳚ति प॒श्चात् ।
चतु᳚ष्पादेति द्वि॒पदा᳚मभिस्व॒रे स॒म्पश्य᳚न्प॒ङ्क्तीरु᳚प॒तिष्ठ᳚मानः ॥
चतु᳚ष्पादेति द्वि॒पदा᳚मभिस्व॒रे स॒म्पश्य᳚न्प॒ङ्क्तीरु᳚प॒तिष्ठ᳚मानः ॥
पदपाठः (Word-by-word)
एक᳚॑पात् । भूयः᳚ । द्वि॒॑पदः᳚ । वि । च॒क्र॒मे॒ । द्वि॒॑पात् । त्रि॒॑पाद᳚म् । अ॒भि । ए॒ति॒ । प॒श्चात् ।
चतुः᳚॑पात् । ए॒ति॒ । द्वि॒॑पदा᳚म् । अ॒भि॒॑स्व॒रे । स॒म्॑पश्य᳚न् । प॒ङ्क्तीः । उ॒प॒॑तिष्ठ᳚मानः ॥
चतुः᳚॑पात् । ए॒ति॒ । द्वि॒॑पदा᳚म् । अ॒भि॒॑स्व॒रे । स॒म्॑पश्य᳚न् । प॒ङ्क्तीः । उ॒प॒॑तिष्ठ᳚मानः ॥
सायणभाष्यम् (Sayana Commentary)
अत्र पादशब्दो भागवचनः। एकपादेकभागधनः पुरुषो द्विपदो द्विगुनधनस्य मार्गं भूयः। तृतीयायाः सुः। भूयसा कालेन वि चक्रमे। विविधं गच्छति। वेः पादविहरणे। पा. १-३-४१। इत्यात्मनेपदम्। तथा द्विपात्पुरुषस्त्रिपादं त्रिभागधनं पुरुषं पश्चादभ्येति। अभिगच्छति। चतुष्पाच्चतुर्भागधनस्तु द्विपदाम्। बहुवचनादेकपादादय उपलक्ष्यन्ते। एकपादधनादीनां पङ्क्तीरभिस्वरेऽभिगमने सम्पश्यन् सम्यगीक्षनमाणः सन्नुपतिष्ठमान एति। गच्छमानो भवति। अन्योन्यापेक्शया सर्व उत्तमाधमाः। तस्मात्त्वमहमेव धनवानिति न मन्येः किन्त्वतिथिभ्यो धनानि ददस्वेत्यर्थः॥८॥