कु॒विद॒ङ्ग प्रति॒ यथा᳚ चिद॒स्य नः᳚ सजा॒त्य᳚स्य मरुतो॒ बुबो᳚धथ ।
नाभा॒ यत्र᳚ प्रथ॒मं सं॒नसा᳚महे॒ तत्र᳚ जामि॒त्वमदि᳚तिर्दधातु नः ॥
नाभा॒ यत्र᳚ प्रथ॒मं सं॒नसा᳚महे॒ तत्र᳚ जामि॒त्वमदि᳚तिर्दधातु नः ॥
पदपाठः (Word-by-word)
कु॒वित् । अ॒ङ्ग । प्रति᳚ । यथा᳚ । चि॒त् । अ॒स्य । नः॒ । स॒॑जा॒त्य᳚स्य । म॒रु॒तः॒ । बुबो᳚धथ ।
नाभा᳚ । यत्र᳚ । प्र॒थ॒मम् । स॒म्॑नसा᳚महे । तत्र᳚ । जा॒मि॒॑त्वम् । अदि᳚तिः । द॒धा॒तु॒ । नः॒ ॥
नाभा᳚ । यत्र᳚ । प्र॒थ॒मम् । स॒म्॑नसा᳚महे । तत्र᳚ । जा॒मि॒॑त्वम् । अदि᳚तिः । द॒धा॒तु॒ । नः॒ ॥
सायणभाष्यम् (Sayana Commentary)
अङ्गेति सम्बुद्धौ। हे मरुतः यूयं नोऽस्मान्कुविद्बहुवारं प्रति बुबोधथ तथा प्रतिबुद्ध्यध्वम् । कुविच्छब्दयोगादनिघातः। यथा नोऽस्मान्सजात्यस्यास्य बान्धवस्य विषयभुतान्कुरुथ तथ जानीथ। ततो नाभा पृथिव्या नाभिस्थाने यत्र यस्मिन्नुत्तरवेदिलक्षने देशे प्रथममेव संननामहे हविषा यत्र सङ्गच्छेमहि तत्रैव देशेऽदितिर्देवानाम् माता नोऽस्माकं जमित्वं मनुष्यैः सह बान्धवं दधातु। विदधातु॥१४॥