वि षा होत्रा॒ विश्व᳚मश्नोति॒ वार्यं॒ बृह॒स्पति᳚र॒रम᳚ति॒ः पनी᳚यसी ।
ग्रावा॒ यत्र᳚ मधु॒षुदु॒च्यते᳚ बृ॒हदवी᳚वशन्त म॒तिभि᳚र्मनी॒षिणः᳚ ॥
ग्रावा॒ यत्र᳚ मधु॒षुदु॒च्यते᳚ बृ॒हदवी᳚वशन्त म॒तिभि᳚र्मनी॒षिणः᳚ ॥
पदपाठः (Word-by-word)
वि । सा । होत्रा᳚ । विश्व᳚म् । अ॒श्नो॒ति॒ । वार्य᳚म् । बृह॒स्पतिः᳚ । अ॒रम᳚तिः । पनी᳚यसी ।
ग्रावा᳚ । यत्र᳚ । म॒धु॒॑सुत् । उ॒च्यते᳚ । बृ॒हत् । अवी᳚वशन्त । म॒ति॑भिः᳚ । म॒नी॒षिणः᳚ ॥
ग्रावा᳚ । यत्र᳚ । म॒धु॒॑सुत् । उ॒च्यते᳚ । बृ॒हत् । अवी᳚वशन्त । म॒ति॑भिः᳚ । म॒नी॒षिणः᳚ ॥
सायणभाष्यम् (Sayana Commentary)
होत्रा। वाङ्नामैतत् आहूयन्तेऽनया देवा इति। सा वाग्वार्यं वरणीयं विश्वं सर्वं पश्वादिसहितं धनं व्यश्नोति। विविधं व्याप्नुते। कीदृशी। बृहस्पतिर्बृहतां महतां पालयित्री अरमतिः पर्याप्तस्तुतिः यद्वा कुत्राप्यनुपरता पनीयस्य अत्यन्तं देवानां स्तोत्रकारिणी। यत्र यस्यां होत्रायाम् मधुषुत् सोममभिषुण्वन्बृहद्महान्ग्रावोच्यते अभिधीयते। स्तूयत इत्यर्थः। तं स्तुतिमन्तं यज्ञं मनीशिणो देवा मतिभिः स्तुतिभिः सहावीवशन्त। कामयन्ते। वष्टेर्ण्यन्तस्य लुङि रूपं यद्वा। मनीशिणः स्तोतारः स्तुतिभिर्देवान्यज्ञं कामयमानान्कुर्वन्ति॥१६॥