ते नो॒ अर्व᳚न्तो हवन॒श्रुतो॒ हवं॒ विश्वे᳚ शृण्वन्तु वा॒जिनो᳚ मि॒तद्र᳚वः ।
स॒ह॒स्र॒सा मे॒धसा᳚ताविव॒ त्मना᳚ म॒हो ये धनं᳚ समि॒थेषु᳚ जभ्रि॒रे ॥
स॒ह॒स्र॒सा मे॒धसा᳚ताविव॒ त्मना᳚ म॒हो ये धनं᳚ समि॒थेषु᳚ जभ्रि॒रे ॥
पदपाठः (Word-by-word)
ते । नः॒ । अर्व᳚न्तः । ह॒व॒न॒॑श्रुतः᳚ । हव᳚म् । विश्वे᳚ । शृ॒ण्व॒न्तु॒ । वा॒जिनः᳚ । मि॒त॑द्र᳚वः ।
स॒ह॒स्र॒॑साः । मे॒धसा᳚तौ॑इव । त्मना᳚ । म॒हः । ये । धन᳚म् । स॒म्॑इ॒थेषु᳚ । ज॒भ्रि॒रे ॥
स॒ह॒स्र॒॑साः । मे॒धसा᳚तौ॑इव । त्मना᳚ । म॒हः । ये । धन᳚म् । स॒म्॑इ॒थेषु᳚ । ज॒भ्रि॒रे ॥
सायणभाष्यम् (Sayana Commentary)
हवन श्रुत आह्वानं शृण्वन्तो वाजिनो बलवन्तो मितद्रवोः मितमार्गा अध्वानं परिच्छिन्दन्तो विश्वे सर्वे प्रसिद्धा अर्वन्तोऽश्वा इन्द्रादीनां वाहनभुता हर्यादयो नोऽस्माकं हवमाह्वानं शृण्वन्तु। कीदृशाः। मेधसाताविव। मेधाः स्तुतयः सायन्ते सम्भज्यन्तेऽत्रेति मेधसातिर्यज्ञः। तस्मिन्निव त्वनात्मनैव सहस्रसाः सहस्रसङ्ख्याकधनस्य दातारः। ते शृण्वन्तु येऽश्वाः समिथेषु। सङ्ग्रामनामैतत्। सम्प्राप्त्यते योद्धृभिरत्रेति। तेषु सङ्ग्रामेशु महो महद्धनं जभ्रिरे। शत्रुभ्य आहरन्ति। हृग्रहोर्भः॥६॥