यो अ᳚स्मा॒ अन्नं᳚ तृ॒ष्वा॒३॒᳚दधा॒त्याज्यै᳚र्घृ॒तैर्जु॒होति॒ पुष्य᳚ति ।
तस्मै᳚ स॒हस्र᳚म॒क्षभि॒र्वि च॒क्षे॑ग्ने᳚ वि॒श्वतः᳚ प्र॒त्यङ्ङ᳚सि॒ त्वम् ॥
तस्मै᳚ स॒हस्र᳚म॒क्षभि॒र्वि च॒क्षे॑ग्ने᳚ वि॒श्वतः᳚ प्र॒त्यङ्ङ᳚सि॒ त्वम् ॥
पदपाठः (Word-by-word)
यः । अ॒स्मै॒ । अन्न᳚म् । तृ॒षु । आ॒॑दधा᳚ति । आज्यैः᳚ । घृ॒तैः । जु॒होति᳚ । पुष्य᳚ति ।
तस्मै᳚ । स॒हस्र᳚म् । अ॒क्ष॑भिः᳚ । वि । च॒क्षे॒ । अग्ने᳚ । वि॒श्वतः᳚ । प्र॒त्यङ् । अ॒सि॒ । त्वम् ॥
तस्मै᳚ । स॒हस्र᳚म् । अ॒क्ष॑भिः᳚ । वि । च॒क्षे॒ । अग्ने᳚ । वि॒श्वतः᳚ । प्र॒त्यङ् । अ॒सि॒ । त्वम् ॥
सायणभाष्यम् (Sayana Commentary)
यो यजमानोऽस्मा अग्नये तृषु क्षिप्रमन्नमादधाति करोत्याज्यैर्घृतैः क्षरद्रूपैर्दीप्तैर्वा सोमरसैर्जुहोति पुष्यति पुष्णाति चैनं काष्ठैः तस्मै। तमित्यर्थः। तं सहस्रं सहस्रसङ्ख्याकैरक्षभिरक्षिस्थानीयाभिरपरिमिताभिर्ज्वालाभिर्विचक्षे। विचष्टे। विपश्यति। अथ प्रत्यक्षकृतः। हे अग्ने त्वं विश्वतः सर्वतः प्रत्यङ्गसि। प्रत्यगञ्चनो भवसि। अस्मदानुकूल्येन प्रवर्तमानो भवसि॥५॥