विषू᳚चो॒ अश्वा᳚न्युयुजे वने॒जा ऋजी᳚तिभी रश॒नाभि᳚र्गृभी॒तान् ।
च॒क्ष॒दे मि॒त्रो वसु᳚भि॒ः सुजा᳚त॒ः समा᳚नृधे॒ पर्व᳚भिर्वावृधा॒नः ॥
च॒क्ष॒दे मि॒त्रो वसु᳚भि॒ः सुजा᳚त॒ः समा᳚नृधे॒ पर्व᳚भिर्वावृधा॒नः ॥
पदपाठः (Word-by-word)
विषू᳚चः । अश्वा᳚न् । यु॒यु॒जे॒ । व॒ने॒॑जाः । ऋजी᳚ति॑भिः । र॒श॒नाभिः᳚ । गृ॒भी॒तान् ।
च॒क्ष॒दे । मि॒त्रः । वसु᳚॑भिः । सु॑जा᳚तः । सम् । आ॒नृ॒धे॒ । पर्व᳚॑भिः । व॒वृ॒धा॒नः ॥
च॒क्ष॒दे । मि॒त्रः । वसु᳚॑भिः । सु॑जा᳚तः । सम् । आ॒नृ॒धे॒ । पर्व᳚॑भिः । व॒वृ॒धा॒नः ॥
सायणभाष्यम् (Sayana Commentary)
अयमग्निर्विषूचो विष्वगञ्चनानश्वान्व्याप्तान्महतो वृक्षान्सर्वतो गन्तॄनश्वानेव वा युयुजे युङ्क्ते वनेजा वने प्रवृद्धः सम्पन्नः सन् कीदृशानश्वान्। ऋजीतिभिरृजुगामिनीभी रशनभी रशनास्थानीयाभिर्लताभिर्गृभीतान्परिगृहीतान्वेष्टान्। साक्षादश्वपक्ष ऋजुगतिभिः प्रसिद्धाभी रशनाभिर्गृभीतान्गृहीतन्स्व्वकीयानश्वाञ्शेघ्रदाहाय रथे योजितवानित्यर्थः। ताद्रुशोऽग्निश्चक्षदे चक्षाद शकलीकरोति वसूनि मित्रोऽस्माकं मित्रभूतो वसुभिर्वासकै रश्मिभिः सुजातः सुष्ठु प्रवृद्धः सन्। किञ्च समानृधे सम्यग्वर्धते पर्वभिः काष्ठखण्डैर्वाव्रुधानो वर्धमानः॥७॥