अधीन्न्वत्र᳚ सप्त॒तिं च᳚ स॒प्त च᳚ ।
स॒द्यो दि᳚दिष्ट॒ तान्व᳚ः स॒द्यो दि᳚दिष्ट पा॒र्थ्यः स॒द्यो दि᳚दिष्ट माय॒वः ॥
स॒द्यो दि᳚दिष्ट॒ तान्व᳚ः स॒द्यो दि᳚दिष्ट पा॒र्थ्यः स॒द्यो दि᳚दिष्ट माय॒वः ॥
पदपाठः (Word-by-word)
अधि᳚ । इत् । नु । अत्र᳚ । स॒प्त॒तिम् । च॒ । स॒प्त । च॒ ।
स॒द्यः । दि॒दि॒ष्ट॒ । तान्वः᳚ । स॒द्यः । दि॒दि॒ष्ट॒ । पा॒र्थ्यः᳚ । स॒द्यः । दि॒दि॒ष्ट॒ । मा॒य॒वः ॥
स॒द्यः । दि॒दि॒ष्ट॒ । तान्वः᳚ । स॒द्यः । दि॒दि॒ष्ट॒ । पा॒र्थ्यः᳚ । स॒द्यः । दि॒दि॒ष्ट॒ । मा॒य॒वः ॥
सायणभाष्यम् (Sayana Commentary)
अत्रैषु राजसु तान्वो नामर्षिर्गवां सप्त च सप्ततिं च नु क्षिप्रं सद्य इत् सद्य एवाधि दिदिष्ट। अधिपूर्वो दिशिर्याचनार्थः। ययाचे। किञ्च पार्थो नाम युवनाश्वनामकस्य कुले पृथोः पुत्रः किशि त्सद्य एव गवां सप्तसप्ततिमधि दिदिष्ट। किञ्च मायवोऽपि सद्य एवाधि दिदिष्ट॥१५॥