उ॒त नो॒ नक्त᳚म॒पां वृ᳚षण्वसू॒ सूर्या॒मासा॒ सद᳚नाय सध॒न्या᳚ ।
सचा॒ यत्साद्ये᳚षा॒महि᳚र्बु॒ध्नेषु᳚ बु॒ध्न्य᳚ः ॥
सचा॒ यत्साद्ये᳚षा॒महि᳚र्बु॒ध्नेषु᳚ बु॒ध्न्य᳚ः ॥
पदपाठः (Word-by-word)
उ॒त । नः॒ । नक्त᳚म् । अ॒पाम् । वृ॒ष॒ण्व॒सू॒ इति᳚ वृषण्॑वसू । सूर्या॒मासा᳚ । सद᳚नाय । स॒॑ध॒न्या᳚ ।
सचा᳚ । यत् । सादि᳚ । ए॒षा॒म् । अहिः᳚ । बु॒ध्नेषु᳚ । बु॒ध्न्यः᳚ ॥
सचा᳚ । यत् । सादि᳚ । ए॒षा॒म् । अहिः᳚ । बु॒ध्नेषु᳚ । बु॒ध्न्यः᳚ ॥
सायणभाष्यम् (Sayana Commentary)
उतापि च हे वृषण्वसू वर्षणधनावश्विनौ युवामपामुदकानां सम्बन्धिनौ सधन्या सधनौ समानधनौ सूर्यामासा सूर्याचन्द्रमसौ बुध्नेष्वन्तरिक्षेषु निवासस्थानेषु मेघेषु यद्योऽहिर्बुध्न्यो देवो सादि सिदति तिष्ठति एषामेभिः सचा सह युवां नक्तं रात्रावहनि चोरुष्यतमिति वक्ष्यमाणेन सम्बन्धः॥५॥