हे अग्ने त्वमस्मत्कर्मन्या याहि। आगच्छ। कीदृशः। आजुह्वानो देवानामाह्वाता। हु दानादनयोः जौ होत्यादिकः। आभ्यस्तस्वरः। ईड्यः। ईदिरध्येषणाकर्मा। अध्येष्यः प्रार्थ्यमानः वन्द्यः स्तोतव्यः वसुभिर्देवैः सजोषाः सह प्रीयमाणः। आगत्य च हे यह्व। महन्नामैतत्। हे महन् स त्वं देव देवानां होताह्वातासि। ततो यजीयान्। यष्टृशब्दादीयसुनि तुरिष्ठेमेयःस्विति त्रुचो लोपः। यष्टृतरः स त्वमिषितोऽस्माभिरध्येशितः प्रार्थितः सन्नेतान्देवान्यक्शि। यज। हविषा पूजय॥३॥