आपो᳚ रेवती॒ः क्षय᳚था॒ हि वस्व॒ः क्रतुं᳚ च भ॒द्रं बि᳚भृ॒थामृतं᳚ च ।
रा॒यश्च॒ स्थ स्व᳚प॒त्यस्य॒ पत्नी॒ः सर᳚स्वती॒ तद्गृ᳚ण॒ते वयो᳚ धात् ॥
रा॒यश्च॒ स्थ स्व᳚प॒त्यस्य॒ पत्नी॒ः सर᳚स्वती॒ तद्गृ᳚ण॒ते वयो᳚ धात् ॥
पदपाठः (Word-by-word)
आपः᳚ । रे॒व॒तीः॒ । क्षय᳚थ । हि । वस्वः᳚ । क्रतु᳚म् । च॒ । भ॒द्रम् । बि॒भृ॒थ । अ॒मृत᳚म् । च॒ ।
रा॒यः । च॒ । स्थ । सु॒॑अ॒प॒त्यस्य᳚ । पत्नीः᳚ । सर᳚स्वती । तत् । गृ॒ण॒ते । वयः᳚ । धा॒त् ॥
रा॒यः । च॒ । स्थ । सु॒॑अ॒प॒त्यस्य᳚ । पत्नीः᳚ । सर᳚स्वती । तत् । गृ॒ण॒ते । वयः᳚ । धा॒त् ॥
सायणभाष्यम् (Sayana Commentary)
हे आपः रेवतीः रेवत्योधनवत्योयूयं वस्वः वसुनोधनस्य क्षयथ हि ईशिध्वे खलु । किञ्च भद्रं भजनीयं क्रतुं च सोमयागादिलक्षणं कर्म च अमृतं च अमृतममरणरूपं तज्ज न्यफलं च बिभृथ धारयथ पुष्णीथ वा । तथा रायश्च धनस्य च स्वपत्यस्य शोभनपुत्रस्य च पत्नीः पत्न्यः पालयित्र्यः स्थ भवथ । तथा सरस्वती तदभिमानिनी देवता गृणते स्तु- वते मह्यं तदिदं सर्वं वयोन्नलक्षणं धनं धात् दधातु ॥ १२ ॥