यो वो᳚ वृ॒ताभ्यो॒ अकृ᳚णोदु लो॒कं यो वो᳚ म॒ह्या अ॒भिश᳚स्ते॒रमु᳚ञ्चत् ।
तस्मा॒ इन्द्रा᳚य॒ मधु᳚मन्तमू॒र्मिं दे᳚व॒माद᳚नं॒ प्र हि᳚णोतनापः ॥
तस्मा॒ इन्द्रा᳚य॒ मधु᳚मन्तमू॒र्मिं दे᳚व॒माद᳚नं॒ प्र हि᳚णोतनापः ॥
पदपाठः (Word-by-word)
यः । वः॒ । वृ॒ताभ्यः᳚ । अकृ᳚णोत् । ऊं॒ इति᳚ । लो॒कम् । यः । वः॒ । म॒ह्याः । अ॒भि॑श᳚स्तेः । अमु᳚ञ्चत् ।
तस्मै᳚ । इन्द्रा᳚य । मधु᳚॑मन्तम् । ऊ॒र्मिम् । दे॒व॒॑माद᳚नम् । प्र । हि॒णो॒त॒न॒ । आ॒पः॒ ॥
तस्मै᳚ । इन्द्रा᳚य । मधु᳚॑मन्तम् । ऊ॒र्मिम् । दे॒व॒॑माद᳚नम् । प्र । हि॒णो॒त॒न॒ । आ॒पः॒ ॥
सायणभाष्यम् (Sayana Commentary)
यइन्द्रः बृताभ्यः मेघैरावृताभ्यः परिवेष्टिताभ्यः वोयुष्मभ्यं अद्भ्यः लोकं मेघोदरान्निर्ग मनमार्गं अकृणोदकरोत् । उइतिपूरणः । किञ्च यः वोयुष्मान् मह्या महत्याः अभिशस्तेर्मेघ परिवेष्टनाभिहिंसनात् अमुंचत् मोचितवान् । हे आपः यूयं तस्मै तादृशायेन्द्राय मधुमन्तं मधुरस्वादयुक्तं देवमादनं इन्द्रादिदेवानां सोमेन सह मिश्रीभूय तर्पयितारं ऊर्मिं अप्संघा- तं प्रहिणोतन अस्मद्यज्ञं प्रतिगमयत सोमाभिषवकर्मांगभावाय प्रस्थापयत ॥ ७ ॥