आ तेन᳚ यातं॒ मन᳚सो॒ जवी᳚यसा॒ रथं॒ यं वा᳚मृ॒भव᳚श्च॒क्रुर᳚श्विना ।
यस्य॒ योगे᳚ दुहि॒ता जाय᳚ते दि॒व उ॒भे अह᳚नी सु॒दिने᳚ वि॒वस्व᳚तः ॥
यस्य॒ योगे᳚ दुहि॒ता जाय᳚ते दि॒व उ॒भे अह᳚नी सु॒दिने᳚ वि॒वस्व᳚तः ॥
पदपाठः (Word-by-word)
आ । तेन᳚ । या॒त॒म् । मन᳚सः । जवी᳚यसा । रथ᳚म् । यम् । वा॒म् । ऋ॒भवः᳚ । च॒क्रुः । अ॒श्वि॒ना॒ ।
यस्य᳚ । योगे᳚ । दु॒हि॒ता । जाय᳚ते । दि॒वः । उ॒भे इति᳚ । अह᳚नी॒ इति᳚ । सु॒दिने॒ इति᳚ सु॒॑दिने᳚ । वि॒वस्व᳚तः ॥
यस्य᳚ । योगे᳚ । दु॒हि॒ता । जाय᳚ते । दि॒वः । उ॒भे इति᳚ । अह᳚नी॒ इति᳚ । सु॒दिने॒ इति᳚ सु॒॑दिने᳚ । वि॒वस्व᳚तः ॥
सायणभाष्यम् (Sayana Commentary)
हे अश्विनाश्विनौ वां युवयोर्यं रथं ऋभवश्चक्रुः अकार्षुः यस्य रथस्य योगे संबंधे सति दिवोदुहितोषाः जायते प्रादुर्भवति यस्य च योगे विवस्वतोभास्करादुभे अहनी अहोरात्रे सुदिने शोभने जायेते तेन रथेन मनसोपि जवीयसा वेगवत्तरेणायातं युवामा- गच्छतमस्मान् ॥ १२ ॥