यु॒वं रथे᳚न विम॒दाय᳚ शु॒न्ध्युवं॒ न्यू᳚हथुः पुरुमि॒त्रस्य॒ योष᳚णाम् ।
यु॒वं हवं᳚ वध्रिम॒त्या अ᳚गच्छतं यु॒वं सुषु᳚तिं चक्रथु॒ः पुरं᳚धये ॥
यु॒वं हवं᳚ वध्रिम॒त्या अ᳚गच्छतं यु॒वं सुषु᳚तिं चक्रथु॒ः पुरं᳚धये ॥
पदपाठः (Word-by-word)
यु॒वम् । रथे᳚न । वि॒॑म॒दाय᳚ । शु॒न्ध्युव᳚म् । नि । ऊ॒ह॒थुः॒ । पु॒रु॒॑मि॒त्रस्य᳚ । योष᳚णाम् ।
यु॒वम् । हव᳚म् । व॒ध्रि॒॑म॒त्याः । अ॒ग॒च्छ॒त॒म् । यु॒वम् । सु॑सु᳚तिम् । च॒क्र॒थुः॒ । पुर᳚म्॑धये ॥
यु॒वम् । हव᳚म् । व॒ध्रि॒॑म॒त्याः । अ॒ग॒च्छ॒त॒म् । यु॒वम् । सु॑सु᳚तिम् । च॒क्र॒थुः॒ । पुर᳚म्॑धये ॥
सायणभाष्यम् (Sayana Commentary)
हे अश्विनौ युवं पुरुमित्रस्य पुरुमित्रनामधेयस्य योषणां दुहितरं शुंध्युवं नाम जायां विमदाय विमदनामधेयाय ऋषये रथेन स्वसेनापरिवृतेन रथेन न्यूहथुः प्रापयतं विम- दस्य गृहं नीतवंतौ स्थइत्यर्थः । तथाचनिगमांतरं—यावर्भगायविमदायजायांसेनाजुवान्यूह तूरथेनेति । किंच युवं युवां वध्रिमत्याः संग्रामे शत्रुभिः छिन्नहस्तायाहवमाह्वानमगच्छतं आगत्य तस्यै हिरण्मयं हस्तं प्रयच्छतम् । तथाचनिगमांतरं—अजोहवीन्नासत्याकरावांमहेया मन्पुरुभुजापुरंधिः । श्रुतंतच्छासुरिववध्रिमत्याहिरण्यहस्तमश्विनावदत्तमिति । किंच युवं युवां पुरंधये बहुप्रज्ञायै वध्रिमत्यै सुषुतिं सुप्रसवं शोभनमैश्वर्यं वा चक्रथुः कृतवंतौस्थः ॥ ७ ॥