बृह॒स्पति᳚र्न॒ः परि᳚ पातु प॒श्चादु॒तोत्त᳚रस्मा॒दध᳚रादघा॒योः ।
इन्द्र᳚ः पु॒रस्ता᳚दु॒त म᳚ध्य॒तो न॒ः सखा॒ सखि᳚भ्यो॒ वरि᳚वः कृणोतु ॥
इन्द्र᳚ः पु॒रस्ता᳚दु॒त म᳚ध्य॒तो न॒ः सखा॒ सखि᳚भ्यो॒ वरि᳚वः कृणोतु ॥
पदपाठः (Word-by-word)
बृह॒स्पतिः᳚ । नः॒ । परि᳚ । पा॒तु॒ । प॒श्चात् । उ॒त । उत्॑त᳚रस्मात् । अध᳚रात् । अ॒घ॒॑योः ।
इन्द्रः᳚ । पु॒रस्ता᳚त् । उ॒त । म॒ध्य॒तः । नः॒ । सखा᳚ । सखि᳚॑भ्यः । वरि᳚वः । कृ॒णो॒तु॒ ॥
इन्द्रः᳚ । पु॒रस्ता᳚त् । उ॒त । म॒ध्य॒तः । नः॒ । सखा᳚ । सखि᳚॑भ्यः । वरि᳚वः । कृ॒णो॒तु॒ ॥
सायणभाष्यम् (Sayana Commentary)
पश्चात्पश्चिमतः उतापिच उत्तरस्मात् उत्तरतः अधरात् दक्षिणतश्च योघायुरागच्छति तस्मादघायोः पापकाच्छत्रोर्नोस्मान् बृहस्पतिः परिपातु । उतापिचेद्रः पुरस्तात् पूर्वतोम- ध्यतश्च योघायुरागच्छति तस्मादघायोर्नोस्मान् परिपातु । किंच सखासखिभूतेंद्रः सखिभ्यः प्रियेभ्यो स्मभ्यं वरिवोधनं कृणोतु करोतु ॥ ११ ॥
चतुर्थेनुवाके अष्टादश सूक्तानि तत्राच्छामइत्येकादशर्चं प्रथमं सूक्तं दशम्येकादश्यौ त्रिष्टुभौ शिष्टाजगत्यः पूर्ववदृषिदेवते । तथाचानुक्रांतं—अच्छामे द्वित्रिष्टुबंतंत्विति । उक्थ्ये ब्राह्मणाच्छंसिनस्तृतीयसवनेएतत्सूक्तम् । सूत्रितंच—अच्छामइंद्रबृहस्पतेयुवमिंद्रश्चवस्वइति या- ज्ये इति । पृष्ठ्येहन्यप्येतत्सूक्तम् । सूत्रितंच—अच्छामइंद्रमिति नित्यमैकाहिकमिति ।