अहं सूर्यस्य देवस्याशुभिः शीघ्रगामिभिरेतशेभिरेतशवर्णैरश्वैर्वहमान उह्यमान ओजसात्मीयेन बलेन प्रकर्षेण परि यामि। परिगच्छामि सूर्यात्मना। किञ्च यद्यदा मा मां मनुषो मनुष्यस्य सावः सोमाभिषव आह ब्रूते। आह्वयतीत्यर्थः। किमर्थमाह। निर्णिजे। निर्णिगिति रूपनाम। यज्ञस्वरुपायेत्यर्थः। तदानीं कृत्व्यं कर्तव्यम् । हन्तव्यमित्यर्थः। दासमुपक्षपयितारं शत्रुं हथैर्हननसाधनैरृधक्कृषे। पृथक्करोमि। ऋधगित्यव्ययं पृघगर्थे॥७॥