एवमग्निना पृष्टा देवा अग्निं ब्रुवन्ति। हे जातवेदो जातप्रज्ञाग्ने त्वा त्वामन्वैच्छाम। कीदृशं त्वाम्। अप्सूदकेष्वोषधीषु च बहुधा प्रविष्टम्। अन्विष्य च तं तादृशं प्रविष्टं त्वा त्वां यमो देवोऽचिकेत् ज्ञातवान् हे चित्रभानो चायनीयरश्मे। कुत्र स्थितं ज्ञातवानिति तदुच्यते। दशान्तरुष्यात्। अन्तरुष्यं गूढमावासस्थानं तच्च स्थानं दशस~ख्योपेतम्। तादृशं स्थानमतिरोचमानमतीत्य प्रकाशमानम्। अग्नेर्हि गूढानि दश स्थानानि भवन्ति पृघिव्यादयस्त्रयो ओका अग्निवाय्वादित्यास्त्रयो देवा आप ओषधयो वनस्पतयः प्राणिशरीरमिति दश स्थानानि॥३॥