ग्रावा सोमाभिषवाय यदोर्ध्व उन्नतो भवति यदा च बृहन्महानग्निः समिद्धो हविर्भिः सम्यग्दीप्तो भवति। तथा प्रियाणि देवानां सोमादिहविष्प्रदानेन प्रीणयितॄणि धामानि हविषां धारकाणि यज्ञपात्राण्यदितेः पृथिव्या उपस्थे यज्ञसदने यदासादितानि भवन्ति तदानीं हे ऋत्विजौ देव्यौ पुरोहितौ होतारौ पुरतो निहितौ विदुष्टरा। छान्दसं सम्प्रसारनम्। विद्वत्तमौ युवामस्मिन्यज्ञे द्रविणं धनमा यजेथाम्। यजिर्दाअनार्थः। अस्मभ्यमाभिमुख्येन प्रयचृतम्॥७॥