स॒म॒ना तूर्णि॒रुप᳚ यासि य॒ज्ञमा नास᳚त्या स॒ख्याय᳚ वक्षि ।
व॒साव्या᳚मिन्द्र धारयः स॒हस्रा॒श्विना᳚ शूर ददतुर्म॒घानि᳚ ॥
व॒साव्या᳚मिन्द्र धारयः स॒हस्रा॒श्विना᳚ शूर ददतुर्म॒घानि᳚ ॥
पदपाठः (Word-by-word)
स॒म॒ना । तूर्णिः᳚ । उप᳚ । या॒सि॒ । य॒ज्ञम् । आ । नास᳚त्या । स॒ख्याय᳚ । व॒क्षि॒ ।
व॒साव्या᳚म् । इ॒न्द्र॒ । धा॒र॒यः॒ । स॒हस्रा᳚ । अ॒श्विना᳚ । शू॒र॒ । द॒द॒तुः॒ । म॒घानि᳚ ॥
व॒साव्या᳚म् । इ॒न्द्र॒ । धा॒र॒यः॒ । स॒हस्रा᳚ । अ॒श्विना᳚ । शू॒र॒ । द॒द॒तुः॒ । म॒घानि᳚ ॥
सायणभाष्यम् (Sayana Commentary)
हे इन्द्रा समना सङ्ग्रामे तूर्णिस्त्वरमाणोऽपि यज्ञमुप यासि। उपगच्छसि। तदानीं नासत्याश्विनौ सख्याय वक्षि। वहसि। हे इन्द्र वसाव्यां वसुसमुहं सहस्रा सहस्रां बहुसङ्ख्यां धारयः। धारयस्यस्माकमर्थाय। हे शूर अश्विनाश्विनावपि तवानुचरौ मघानि धनानि ददतुः। अस्मभ्यं प्रयच्छतः॥४॥