आ त्वा᳚ ह॒र्यन्तं᳚ प्र॒युजो॒ जना᳚नां॒ रथे᳚ वहन्तु॒ हरि᳚शिप्रमिन्द्र ।
पिबा॒ यथा॒ प्रति᳚भृतस्य॒ मध्वो॒ हर्य᳚न्य॒ज्ञं स᳚ध॒मादे॒ दशो᳚णिम् ॥
पिबा॒ यथा॒ प्रति᳚भृतस्य॒ मध्वो॒ हर्य᳚न्य॒ज्ञं स᳚ध॒मादे॒ दशो᳚णिम् ॥
पदपाठः (Word-by-word)
आ । त्वा॒ । ह॒र्यन्त᳚म् । प्र॒॑युजः᳚ । जना᳚नाम् । रथे᳚ । व॒ह॒न्तु॒ । हरि᳚॑शिप्रम् । इ॒न्द्र॒ ।
पिब᳚ । यथा᳚ । प्रति᳚॑भृतस्य । मध्वः᳚ । हर्य᳚न् । य॒ज्ञम् । स॒ध॒॑मादे᳚ । दश᳚॑ओणिम् ॥
पिब᳚ । यथा᳚ । प्रति᳚॑भृतस्य । मध्वः᳚ । हर्य᳚न् । य॒ज्ञम् । स॒ध॒॑मादे᳚ । दश᳚॑ओणिम् ॥
सायणभाष्यम् (Sayana Commentary)
हे इन्द्र हरिशिप्रं हरितवर्णशिप्रं त्वा त्वां हर्यन्तं यज्ञं कामयमानं प्रयुजो रथे प्र्युक्ता अश्वा रथे स्थापयित्वा जनानामृत्विग्यजमानानामन्तिकं वहन्तु। प्रापयन्तु। प्रवहन्ति। यथा येन प्राकारेन प्रतिभृतस्य ग्रहादिषु सम्भृतं मध्वो मधु सोमरसं यज्ञं यागसाधनं दशोणिम् । ओणयोऽङुलयः। दशभिरङ्गुलिभिः सम्पादितं सोमं हर्यन् कामयमानः सन् पिब पिबसि सधमादे सङ्ग्रामे जयर्थं तथवहन्त्वित्यर्थः॥१२॥