ता व॒ज्रिणं᳚ म॒न्दिनं॒ स्तोम्यं॒ मद॒ इन्द्रं॒ रथे᳚ वहतो हर्य॒ता हरी᳚ ।
पु॒रूण्य᳚स्मै॒ सव᳚नानि॒ हर्य᳚त॒ इन्द्रा᳚य॒ सोमा॒ हर᳚यो दधन्विरे ॥
पु॒रूण्य᳚स्मै॒ सव᳚नानि॒ हर्य᳚त॒ इन्द्रा᳚य॒ सोमा॒ हर᳚यो दधन्विरे ॥
पदपाठः (Word-by-word)
ता । व॒ज्रिण᳚म् । म॒न्दिन᳚म् । स्तोम्य᳚म् । मदे᳚ । इन्द्र᳚म् । रथे᳚ । व॒ह॒तः॒ । ह॒र्य॒ता । हरी॒ इति᳚ ।
पु॒रूणि᳚ । अ॒स्मै॒ । सव᳚नानि । हर्य᳚ते । इन्द्रा᳚य । सोमाः᳚ । हर᳚यः । द॒ध॒न्वि॒रे॒ ॥
पु॒रूणि᳚ । अ॒स्मै॒ । सव᳚नानि । हर्य᳚ते । इन्द्रा᳚य । सोमाः᳚ । हर᳚यः । द॒ध॒न्वि॒रे॒ ॥
सायणभाष्यम् (Sayana Commentary)
ता तौ प्रसिद्धौ हर्यता हर्यतौ गन्तारौ कान्तौ वा हरी हरितवर्णावश्वौ मन्दिनं मोदमानं स्तोम्यं स्तुत्यर्हं वज्रिणमिन्द्रं मदे निमित्ते रथे वहतः। धारयतः। यज्ञमस्मदीयं प्रापयतः। अस्मै हर्यते कान्तायेन्द्राय पुरूणि बहूनि सवनानि प्रातरादीनि हरयो हरितवर्णाः सोमा दधन्विरे। निधीयन्ते॥६॥