नमो᳚ मि॒त्रस्य॒ वरु᳚णस्य॒ चक्ष᳚से म॒हो दे॒वाय॒ तदृ॒तं स᳚पर्यत ।
दू॒रे॒दृशे᳚ दे॒वजा᳚ताय के॒तवे᳚ दि॒वस्पु॒त्राय॒ सूर्या᳚य शंसत ॥
दू॒रे॒दृशे᳚ दे॒वजा᳚ताय के॒तवे᳚ दि॒वस्पु॒त्राय॒ सूर्या᳚य शंसत ॥
पदपाठः (Word-by-word)
नमः᳚ । मि॒त्रस्य᳚ । वरु᳚णस्य । चक्ष᳚से । म॒हः । दे॒वाय᳚ । तत् । ऋ॒तम् । स॒प॒र्य॒त॒ ।
दू॒रे॒॑दृशे᳚ । दे॒व॑जा᳚ताय । के॒तवे᳚ । दि॒वः । पु॒त्राय᳚ । सूर्या᳚य । शं॒स॒त॒ ॥
दू॒रे॒॑दृशे᳚ । दे॒व॑जा᳚ताय । के॒तवे᳚ । दि॒वः । पु॒त्राय᳚ । सूर्या᳚य । शं॒स॒त॒ ॥
सायणभाष्यम् (Sayana Commentary)
हे ऋत्विजोयूयं मित्रस्य वरुणस्य मित्रावरुणयोश्चक्षसे द्रष्ट्रे महोमहते देवाय द्योतमा- नाय दूरेदृशे दूरेसंतमपि पश्यते देवजाताय देवेषु जाताय देवार्थं उत्पन्नाय केतवे विश्वस्य प्रज्ञापकाथ दिवः पुत्राय पुत्रभूताय दिविजायमानत्वात् तत्पुत्रत्वव्यपदेशः सूर्याय सूर्यार्थं नमः कृत्वा तद्विहितं ऋतं यागादिलक्षणं कर्म सपर्यत पूजयत शंसत स्तुतिमपि कुरुत ॥ १ ॥