महि॒ ज्योति॒र्बिभ्र᳚तं त्वा विचक्षण॒ भास्व᳚न्तं॒ चक्षु᳚षेचक्षुषे॒ मयः᳚ ।
आ॒रोह᳚न्तं बृह॒तः पाज᳚स॒स्परि᳚ व॒यं जी॒वाः प्रति᳚ पश्येम सूर्य ॥
आ॒रोह᳚न्तं बृह॒तः पाज᳚स॒स्परि᳚ व॒यं जी॒वाः प्रति᳚ पश्येम सूर्य ॥
पदपाठः (Word-by-word)
महि᳚ । ज्योतिः᳚ । बिभ्र᳚तम् । त्वा॒ । वि॒॑च॒क्ष॒ण॒ । भास्व᳚न्तम् । चक्षु᳚षे॑चक्षुषे । मयः᳚ ।
आ॒॑रोह᳚न्तम् । बृ॒ह॒तः । पाज᳚सः । परि᳚ । व॒यम् । जी॒वाः । प्रति᳚ । प॒श्ये॒म॒ । सू॒र्य॒ ॥
आ॒॑रोह᳚न्तम् । बृ॒ह॒तः । पाज᳚सः । परि᳚ । व॒यम् । जी॒वाः । प्रति᳚ । प॒श्ये॒म॒ । सू॒र्य॒ ॥
सायणभाष्यम् (Sayana Commentary)
हे विचक्षण विद्रष्टः सूर्य महि महत् ज्योतिस्तेजोबिभ्रतं धारयंतं भास्वंतं दीप्तिमंतं चक्षुषेचक्षुषे सर्वेषां द्रष्टृणां चक्षुषे मयः सुखकरं बृहतोमहतः पाजसोबलवतः परि महतो बलवतः सामुद्रस्योदकस्योपरीत्यर्थः । आरोहंतं त्वा त्वां जीवाश्चिरं जीवंतोवयं प्रति प्रति दिनं पश्येम ॥ ८ ॥