अ॒स्माकं᳚ देवा उ॒भया᳚य॒ जन्म᳚ने॒ शर्म᳚ यच्छत द्वि॒पदे॒ चतु᳚ष्पदे ।
अ॒दत्पिब᳚दू॒र्जय᳚मान॒माशि᳚तं॒ तद॒स्मे शं योर᳚र॒पो द᳚धातन ॥
अ॒दत्पिब᳚दू॒र्जय᳚मान॒माशि᳚तं॒ तद॒स्मे शं योर᳚र॒पो द᳚धातन ॥
पदपाठः (Word-by-word)
अ॒स्माक᳚म् । दे॒वाः॒ । उ॒भया᳚य । जन्म᳚ने । शर्म᳚ । य॒च्छ॒त॒ । द्वि॒॑पदे᳚ । चतुः᳚॑पदे ।
अ॒दत् । पिब᳚त् । ऊ॒र्जय᳚मानम् । आशि᳚तम् । तत् । अ॒स्मे इति᳚ । शम् । योः । अ॒र॒पः । द॒धा॒त॒न॒ ॥
अ॒दत् । पिब᳚त् । ऊ॒र्जय᳚मानम् । आशि᳚तम् । तत् । अ॒स्मे इति᳚ । शम् । योः । अ॒र॒पः । द॒धा॒त॒न॒ ॥
सायणभाष्यम् (Sayana Commentary)
हे देवाः सूर्येणाभ्यनुज्ञातायूयमस्माकं द्विपदे मनुष्यात्मकाय चतुष्पदे पश्वात्मकाय चो भयाय उभयविधाय जन्मने भूतजाताय शर्मं सुखं यच्छत दत्त । किञ्च यथास्मत्पुत्रादिकं अदत् भक्षणीयं भक्षयत् पिबत् पानीयं पिबच्च ऊर्जयमानं बलवंतमिवात्मानमाचरदाशितं सुहितं च भवति तथा अस्मे अस्माकं तत् शं रोगशांतिनिमित्तकं सुखं योर्विषययोगज- नितं सुखं च अरपः अपापं च दधातन प्रयच्छत ॥ ११ ॥