न ते॒ अदे᳚वः प्र॒दिवो॒ नि वा᳚सते॒ यदे᳚त॒शेभि᳚ः पत॒रै र᳚थ॒र्यसि᳚ ।
प्रा॒चीन᳚म॒न्यदनु᳚ वर्तते॒ रज॒ उद॒न्येन॒ ज्योति᳚षा यासि सूर्य ॥
प्रा॒चीन᳚म॒न्यदनु᳚ वर्तते॒ रज॒ उद॒न्येन॒ ज्योति᳚षा यासि सूर्य ॥
पदपाठः (Word-by-word)
न । ते॒ । अदे᳚वः । प्र॒॑दिवः᳚ । नि । वा॒स॒ते॒ । यत् । ए॒त॒शेभिः᳚ । प॒त॒रैः । र॒थ॒र्यसि᳚ ।
प्रा॒चीन᳚म् । अ॒न्यत् । अनु᳚ । व॒र्त॒ते॒ । रजः᳚ । उत् । अ॒न्येन᳚ । ज्योति᳚षा । या॒सि॒ । सू॒र्य॒ ॥
प्रा॒चीन᳚म् । अ॒न्यत् । अनु᳚ । व॒र्त॒ते॒ । रजः᳚ । उत् । अ॒न्येन᳚ । ज्योति᳚षा । या॒सि॒ । सू॒र्य॒ ॥
सायणभाष्यम् (Sayana Commentary)
हे सूर्य ते तव समीपे प्रदिवः प्रत्नः पुरातनः कश्चिददेवोसुरोराक्षसोवा न निवासते न निवसति । कदेत्यतआह यद्यदा त्वं पतरैर्गमनशीलैरेतशेभिः अश्वैः रथर्यसि रथं कामयसे योक्तुम् । किंच प्राचीनमन्यत् त्वदीयं ज्योतिः रजउदकमनुवर्तते उन्येन तेन ज्योतिषा उद्या सि उदेषि । यद्वा प्राचीनमन्यद्रजश्चंद्राख्यं ज्योतिस्त्वामनुवर्तते ततस्त्वमन्येन ज्योतिषा स- होदेषीत्यर्थः ॥ ३ ॥