वि॒श्वाहा᳚ त्वा सु॒मन᳚सः सु॒चक्ष᳚सः प्र॒जाव᳚न्तो अनमी॒वा अना᳚गसः ।
उ॒द्यन्तं᳚ त्वा मित्रमहो दि॒वेदि᳚वे॒ ज्योग्जी॒वाः प्रति᳚ पश्येम सूर्य ॥
उ॒द्यन्तं᳚ त्वा मित्रमहो दि॒वेदि᳚वे॒ ज्योग्जी॒वाः प्रति᳚ पश्येम सूर्य ॥
पदपाठः (Word-by-word)
वि॒श्वाहा᳚ । त्वा॒ । सु॒॑मन᳚सः । सु॒॑चक्ष᳚सः । प्र॒जा॑व᳚न्तः । अ॒न॒मी॒वाः । अना᳚गसः ।
उ॒त्॑यन्त᳚म् । त्वा॒ । मि॒त्र॒॑म॒हः॒ । दि॒वे॑दि᳚वे । ज्योक् । जी॒वाः । प्रति᳚ । प॒श्ये॒म॒ । सू॒र्य॒ ॥
उ॒त्॑यन्त᳚म् । त्वा॒ । मि॒त्र॒॑म॒हः॒ । दि॒वे॑दि᳚वे । ज्योक् । जी॒वाः । प्रति᳚ । प॒श्ये॒म॒ । सू॒र्य॒ ॥
सायणभाष्यम् (Sayana Commentary)
हे सूर्य त्वा त्वां सुमनसः प्रीतियुक्तमनस्काः सुचक्षसः सुदर्शनाः प्रजावंतः पुत्राद्युपेताः अनमीवाः रोगरहिताः अनागसः अपराधवर्जिताश्च वयं विश्वाहा सर्वदा यजेमेति शॆषः । किंच हे मित्रमहः मित्राणां पूजयितः सूर्य दिवेदिवे प्रतिदिनं अद्यंतमुदयं प्राप्नुवंतं त्वा त्वां ज्योक् चिरं जीवा जीवंतोवयं प्रतिपश्येम ॥ ७ ॥